હજીરા સાયણ રોડ પરથી 30 કિલો ગાંજા સાથે બેની અટકાયત : ગાંજો મોકલનાર -મગાવનાર વ્યક્તિને વોન્ટેડ જાહેર..
- 27 Apr, 2024
ગુપ્ત બાતમીના આધારે આજે સુરત પોલીસ દ્વારા બે યુવકોની ધરપકડ કરી હતી, પોલીસ વોચ ગોઠવીને હજીરા હાઇવે પર બેઠી હતી એ સમયે બે યુવાનો ડ્રગ્સ સાથે બાઇક ડિલિવરી કરવા જઈ રહયા હોવાની માહિતી ના આધારે તેમણે પૂછપરછ માટે રૉકવામાં આવ્યા હતા . તપાસ કરતાં તેમની પાસે થી ડ્રગ્સ સહિત વિવિધ મુદ્દા માલ મળ્યો હતો.
બનાવની વિગત મુજબ સુરતના હજીરા સાયણ રોડ પર વરીયાવ ગામ જકાતનાકા પાસેથી ગાંજાના જથ્થાની હેરાફેરી થતી હતી. જેથી 17 વર્ષના કિશોર સહિત બે વ્યક્તિને ઝડપી પાડ્યા છે. પોલીસે બન્ને પાસેથી 30 કિલો 300 ગ્રામ ગાંજાનો જથ્થો તથા બાઇક મળી હતી. કુલ રૂપિયા 3.64 લાખનો મુદ્દામાલ જપ્ત કરાયો છે. ગાંજો મોકલનાર અને મગાવનાર બે વ્યક્તિને વોન્ટેડ જાહેર કર્યા છે.
હજીરા સાયણ રોડ પર વરિયાવ ગામ જકાતનાકા પાસેથી એક જીજે.5.પીએક્સ.1757 નંબરની બાઈક પર 17 વર્ષનો છોકરો અને અન્ય એક વ્યક્તિ ગાંજાની જથ્થાની હેરાફેરી કરે છે. આ બાતમીના આધારે વરિયાવ જકાતનાકા પાસે ગોકુલ ફાર્મની બાજુમાંથી પસાર થતા રોડ ઉપર ક્રાઇમ બ્રાન્ચે સાંજે 5:00 વાગ્યાના અરસામાં વોચ ગોઠવી હતી. બાતમીમાં વર્ણન વાળી બાઇક નજરે પડતા જ પોલીસે તેના અટકાવી હતી. બાઈક ચાલકની પૂછપરછ કરતા તેને પોતાનું નામ શાંતનુ નરેન્દ્ર જૈન હોવાનું જણાવ્યું હતું.
શાંતનુ જૈન આ ઉપરાંત તેની સાથે 17 વર્ષનો કિશોર પણ મળી આવ્યો હતો. બન્નેની તલાશી લેતા તેમની પાસેથી રૂપિયા 3.03 લાખનો ૩૦ કિલો 300 ગ્રામ ગાંજાનો જથ્થો મળી આવ્યો હતો. આ ઉપરાંત પોલીસે બંને પાસેથી બે મોબાઈલ પણ જપ્ત કર્યા હતા. પોલીસે બંને પાસેથી ગાંજાનો જથ્થો બે મોબાઈલ, રોકડા રૂપિયા 310 અને રૂપિયા 50,000ની બાઈક મળી કુલ રૂપિયા 3.64 લાખનો મુદ્દામાલ જપ્ત કર્યો છે. આ ઉપરાંત પોલીસે ગાંજાનો જથ્થો પૂરો પાડનાર તથા મંગાવનાર એમ બે વ્યક્તિને વોન્ટેડ જાહેર કરી કાયદેસરની કાર્યવાહી હાથ ધરી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ